बऱ्यापैकी आताचे आलेले सिक्वेल हे निराशाजनकच आहेत असं वाटत होतं. मात्र दृश्यम 2 ने हा दृष्टीकोन बदलला. पहिल्या भागापेक्षाही अति उत्सुकता ताणून ठेवणारा हा सिनेमा आहे. तुम्ही अगदी पहिल्या सीनपासून प्रत्येक क्षण तितक्याच उत्सुकतेनं पाहता. 7 वर्षांपूर्वी घडलेल्या घटना सतत आपल्या डोळ्यासमोर येत राहतात. पोलीसही केस पुन्हा ओपन करतात पहिल्या भागाप्रमाणेच पोलिसांच्या हाती ठोस पुरावे लागत नाही.
एक सीन असा येतो की वाटतं सगळं संपलं आता सत्य समोर येणार आणि विजय सालगावकर तुरुंगात जाणार. मात्र लेखक आणि दिग्दर्शकाने अशी काही जादू केली आपणही चाट पडतो. ही तर सुरुवात आहे, अजून बरंच बाकी आहे.
दृश्यमचा पहिला भाग जेवढा सरळ होता त्यापेक्षा दृश्यम 2 जास्त इंटरेस्टिंग आहे. घी सीधी उंगलीसे ना निकाले तो टेढी करनी पडती है. त्याच प्रमाणे पोलीस पुन्हा तीच 7 वर्षांपूर्वीची केस ओपन करतात पण शेवटपर्यंत त्यांच्या हाती कोणताही ठोस पुरावा लागत नाही.
विजय सालगावकर म्हणजेच अजय देवगणने एक सामान्य नागरिक असून खूप परफेक्ट प्लॅनिंग करून या गोष्टी केलेल्या असतात. त्याने होणाऱ्या परिणामांचाही विचार केलेला असतो.
तीन सीन असे आहेत जेव्हा असं वाटतं की आता पत्नी सगळं सांगून टाकेल. काही गोष्टी ती नकळत बोलून जाते. त्यातूनही विजय सालगावकर कसं डोकं लावून कुटुंबाला बाहेर काढतो. त्याचं प्लॅनिंगच एवढं जबरदस्त असतं की आपण विचारही करू शकत नाही. इकडची गोष्ट तिकडच्या बोटावर करावी तेवढं अगदी उत्तम पद्धतीने तो या गोष्टी हाताळतो.
सिनेमात त्याचं एक खूप सुंदर वाक्य आहे. मी नेहमी मनं आणि बुद्धी यामध्ये माझ्या बुद्धीचं ऐकत आलो आहे आजही तेच करणार. तो शेवटपर्यंत रहस्य आपल्या कुटुंबाकडे उलगडत नाही. साम-दाम-दंड-भेद सगळ्या प्रकाराने पोलीस प्रयत्न करतात. पोलीस हत्या कुणी केली आणि देशमुखांच्या मुलाची हत्या झाली इथपर्यंत म्हणजे सत्यापर्यंत पोहोचतात मात्र त्यांना एकही पुरावा मिळू शकत नाही. तो का मिळू शकत नाही हे पाहाणं जास्त मजेशीर आहे. पुराव्या अभावी पुन्हा एकदा विजय सालगावर या सगळ्यातून सुटतो.
शेवट तर आणखी भन्नाट आहे. विजय सालगावकर एक स्टोरी लेखकाला सांगतो. त्यावर त्याला सिनेमा काढायचा असतो. ही स्टोरी त्याची स्वत:ची असते असं ती स्टोरी ऐकल्यानंतर आपल्याला समजतं. पण त्याचा पुढचा क्लायमॅक्स तो लेखकासोबत बसून तयार करतो आणि पुढे कसं ते घडत जातं हे त्यामध्ये दाखवलं आहे. मी या सिनेमाला 10 पैकी 10 स्टार देईन.
का पाहावा दृश्यम 2
- पहिल्या भागापेक्षाही अति उत्सुकता निर्माण करणारा
- गाण्याचा भडीमार नसलेला
- प्रत्येक क्षण तुम्हाला पुढे काय घडेल याची उत्सकता जागृत करतो
- उत्तम कथा आणि अभिनय यासाठी पाहावा
- सिनेमॅटोग्राफीही उत्तम आणि प्लॉटिंग सुंदर
- प्रत्येक दृश्यं आपल्याला पुढचा सीन पाहायला भाग पाडतात, तुम्ही कुठेच दोन तास बोर होत नाही
दृश्यम सिनेमातून काय शिकायचं?
उत्तम नियोजन आणि दूरदृष्टी
तुम्ही ज्या गोष्टी कराल त्या फक्त तुमच्या बुद्धीला पटल्या पाहिजेत
तुम्ही जे ठरवलंय किंवा जे करताय ती कुठेही बोलू नये, त्यामुळे नुकसानच होतं
तुम्हाला प्रत्येक गोष्टीत पुढे काय घडेल त्यासाठी तुमचं किती नियोजन आहे याची आधीच कल्पना असायला हवी
क्रांती रविंद्र कानेटकर
